Connect with us

இந்தியா

தனது மனைவிக்கு தாஜ் மஹால் போல வீட்டைக் கட்டிக் கொடுத்த இளைஞன்

Published

on

மத்தியப் பிரதேசத்தைச் சேர்ந்த ஒரு கல்வியாளர் தனது மனைவிக்கு தாஜ் மஹால் போல வீட்டைக் கட்டிக் கொடுத்து அசத்தியுள்ளார்.

ஆக்ராவில் உள்ள தாஜ்மஹாலை நேரில் பார்ப்பது போல அத்தனை தத்ரூபமாக இந்த வித்தியாசமான வீடு அமைந்துள்ளது. தனது மனைவி மீதுள்ள காதலால் மட்டுமல்லாமல், தாஜ்மஹால் மீதும் உள்ள காதலால் இந்த மாதிரி வீட்டைக் கட்டிக் கொடுத்துள்ளாராம் அந்த கல்வியாளர்.

அவரது பெயர் ஆனந்த் சோக்சே. கல்வி நிறுவனம் நடத்தி வருகிறார். இவரது மனைவி பெயர் மஞ்சுஷா சோக்சே. இவர்கள் புர்ஹான்பூர் என்ற ஊரில் வசித்து வருகின்றனர். அந்தப் பகுதியில் மிகவும் பிரபலமானவர் ஆனந்த் சோக்சே. இவருக்கு தாஜ்மஹால் என்றால் ரொம்பப் பிடிக்கும். அவரது மனைவிக்கும்தான்.

ஆனந்த்துக்கு ரொம்ப நாளாகவே ஒரு டவுட் இருந்தது. ஷாஜகானின் மனைவி மும்தாஜ் மரணமடைந்தது புர்ஹான்பூரில்தான். ஆனால் அவருக்கு அங்கு நினைவிடம் கட்டாமல் ஏன் ஆக்ராவில் கட்டினார் ஷாஜகான் என்று யோசித்துக் கொண்டே இருப்பேர். கடைசியில் அவரே தனது மனைவிக்காக ஒரு தாஜ்மஹாலை புர்ஹான்பூரில் கட்டி விட முடிவெடுத்தார்.

இதையடுத்து மிகப் பிரமாண்டமான முறையில் ஒரு வீட்டை கட்டத் தொடங்கினார். அதையும் தாஜ்மஹால் போலவே கட்டத் தொடங்கினார். 4 பெட்ரூம், தியான அறை, நூலகம் உள்ளிட்டவற்றுடன் கூடிய அந்த பிரமாண்ட வீடு, தாஜ்மஹால் போலவே உருவானது. கிட்டத்தட்ட 3 ஆண்டுகள் ஆனது இந்த புர்ஹான்பூர் தாஜ்மஹாலை கட்டி முடிக்க.

இந்த வீட்டைக் கட்டிய என்ஜீனியர் இதற்காக நேரடியாக தாஜ்மஹாலுக்குப் போய் நிறைய ஆய்வு செய்துள்ளார். இதுதவிர இந்தூர், மேற்கு வங்கத்திலிருந்து கட்டடக் கலை நிபுணர்களை வரவழைத்து அவர்களின் ஆலோசனையும் பெறப்பட்டது. இப்படி பல்வேறு நிபுணர்கள் இணைந்து இந்த தாஜ்மஹால் வீட்டை கட்டி எழுப்பியுள்ளனர்.

சும்மா சொல்லக் கூடாது. அப்படியே அச்சு அசல் தாஜ்மஹால் போலவே காட்சி தருகிறது இந்த வீடு. வீட்டின் மேல்புறம் 29 அடியில் “டூம்” கட்டியுள்ளனர். தாஜ்மஹாலில் உள்ளது போலவே “மினாரட்”டுகள் (கோபுரங்கள்) அமைக்கப்பட்டுள்ளன. ராஜஸ்தான் மார்பிள் கற்களைக் கொண்டு தரை தளம் அமைக்கப்பட்டுள்ளது.

கீழ்த்தளத்தில் 2 பெட்ரூம், ஹால் மேல் தளத்தில் 2 பெட்ரூம், நூலகம், தியான மண்டபம் ஆகியவை கட்டப்பட்டுள்ளன. வீட்டின் வெளிப்புறம் மட்டுமல்லாமல், வீட்டுக்கு உள்ளேயும் கூட அப்படியே தாஜ்மஹாலில் உள்ளதைப் போலவே விளக்கு வசதியையும் ஏற்படுத்தியுள்ளார்கள்.

மத்தியப் பிரதேசத்தின் தாஜ்மஹால் என்ற பெருமையுடன் கூடிய வீடாக இது உருவாகியுள்ளது. இந்த வீடு இப்போது கிட்டத்தட்ட சுற்றுலாத்தளம் போல மாறி விட்டது.

Continue Reading
Click to comment

Leave a Reply

Your email address will not be published. Required fields are marked *